Poleku slow life po naszymu w Pszczynie

Stŏwarziszynie LGD „Ziymia Pszczyńskŏ” ôrganizuje II Edycyjõ Festiwalu POLEKU slow life po naszymu. Latosiŏ edycyjŏ ôdbydzie sie 1 lipnia na terynie Skansynu Zegroda Wsi Pszczyńskij w Pszczynie ôd połednia do pōł dziewiōntyj na wieczōr.

Przigotowane atrakcyje to animacyje i warsztaty ceramiki, mydlarstwa, zielarstwa i inkszych, i kōncerty runforrest, Sambor, Me Myself and I i Sonbird. Jŏdło ekstra przirychtujōm lokalne restauracyje i kafyje.

W czasie festiwalu bydzie szło tyż rozwiōnzać quiz. Piyrsze 40 ôsōb, co ôddŏ nojwiyncyj dobrych ôdpowiedzi, dostanie nadgrody.

Wiyncyj idzie sie dowiedzieć na strōnie ôd Stowarziszyniŏ LGD „Ziymia Pszczyńskŏ”.

Dalszŏ tajla artykułu niżyj

Zdrzōdło i grafiki: materyje ôd ôrganizatora.