Nojgryfniejszŏ frela świata 2024 je ze Ślōnska!

Wczorej, 9 marca 2024, we indyjskim Mumbaju miały miejsce wybory 71. Miss World (po prŏwdzie za rok 2023). Tytuł nojgryfnieszej frele świata zdobōła Krystyna Pyszko (czeskŏ wersyjŏ zapisu Pyszková) ze ślōnskigo Trzińca. Gratulujymy!

We finałowej czwōtrce wygrała ze frelōma z Botswany, Libanōnu i Trynidadu a Tobago.

Krystyna Pyszková je 25 lŏt starŏ. Miyszkŏ w Pradze, kaj studiuje prawo na Uniwersytecie Karola. Studiuje tyż marketing na Management Center we Innsbrucku. Je 181 cyntymetrōw srogŏ, a jyj wymioary to 86 – 59 -89. 

Birgemajster Trzyńca, Věra Palkovská, pedziałŏ dlŏ czeskej telewizje, że raduje sie iże w tym mieście żyjōm ludzie sukcesu, nie yno we hokeju, ale też w inkszych dziedzinach.

Dalszŏ tajla artykułu niżyj

Przipōmnimy, iże manszaft Oceláři Trzinec to aktualny majster ligi czeskej (w tym 3 rŏz za rajōm!) a jego kibice podkreślajōm prziwiōnzanie do Ślōnska.

Wiyncej fotek znojdziecie na instagramie nowej miss: https://www.instagram.com/krystyna_pyszko/