Piyrsze szpile naszych tynististōw we Wimbledonie. Wszystke wygrane!

Napoczōn sie Wimbledon, jedyn ze sztyrech turniyjōw Grad Slam we tynisie. Biere w nim udział 3 tynistōw ze Ślōnska: 2 kobiyty z Gōrnego Ślōnska i jedyn chop z Dolnego.

Wszyjscy wygrali piyrsze szpile:

Petra Kvitova, kerŏ już dwa razy wygrała tyn turniyj, napoczła ôd wygranej 2-0 ze Ons Jabeur ze Tunezyji. We drugeh rōndzie trefiyła na Kristina Mladenović ze Francyje i po ciynżkich poczōntkach (przegrała piyrszego gema, potym przegrywała już 3-5, coby wygrać 7-5) wygrała cołki szpil 2-0. We trzeciej rōndzie trefi na Magda Linette ze Polski.

We deblu Květa Peschke do kupy z Nicole Melichar napoczła ôd szpilu ze Irinōm Bara (Rōmunijŏ) i Magda Linette (Polska). Wygrały go 2-0. We drugej rōndzie czekajōm na nich tynisistki ze Meksyku i USA: Giuliana Olmos i Desirae Krawczyk.

Fest dobrze napoczōn też Hubert Hurkacz (z Dolnego Ślōnska), kery we piyrszej rōndzie wygroł 3-1 ze Serbym Dušanym Lajovićym, a we drugiyj tyż 3-1 ze Leonardo Mayerym ze Argyntyny. We trzeciyj rōndzie ale czekŏ na niego sōm Novak Djoković ze Serbije i to bōłaby fest synsacyjŏ, jakby Hubert Hurkacz we tyn szpilu cojś ugroł.

 

Foto tytułowe: Pavel Lebeda / Česká sportovní [CC BY-SA 3.0], via Wikimedia Commons