Na gōrnoślōnskich szportplacach, 26.05.2023

Po roku pauzy handbalŏrze ze Karwinej wrŏcajōm nazŏd na trōn Ligi Czeskej. To już 13. Majster dlŏ tego manszaftu ôkrōm dwōch majstrōw ligi czechosłowackej. Inksze sukcesy ôstatnigo tydnia to trzeci plac handbalŏrzy Górnika Zŏbrze we polskej lidze, awans do europejskich pucharōw Banika Ôstrawa i powrōt do I ligi GKSu Katowice.

Fusbal

Liga polskŏ chopōw
Pogoń Szczecin – Górnik Zŏbrze 1-0
Ruch Chorzōw – Cracovia Krakōw 2-0
Puszcza Niepołomice – Piast Gliwice 1-0

Po 34. szpilach Górnik Zŏbrze je 6, Piast Gliwice 10, a Ruch Chorzōw 17.

Liga polskŏ kobiytōw
GKS Katowice – Śląsk Wrocław 2-1
Górnik Łynczna –Rekord Biylsko-Biołŏ 0-1

Po 21. szpilach GKS Katowice je na piyrszym placu, a Rekord Biylsko-Biołŏ na 9.

Liga czeskŏ chopōw – grupa ô majstra
Banik Ôstrawa – FC Slovacko 6-0

W grupie ô majstra Banik Ôstrawa skōńczōł na 4. placu, kery dŏwŏ awans do eleminacyjōw do Ligi Kōnferyncyjnej.

Grupa ô utrzimaniy
MFK Karwinŏ – Dynamo Czeske Budziejowice 1-0

Karwinŏ skōńczōłŏ na 3 placu ôd kōńca i bańdzie grać we barażach ô utrzimaniy we lidze.

Handbal

Liga czeskŏ chopōw
HCB Karwinŏ – Talent Pilzno 27-26 (po „elwrach”) i 35-27

Liga polskŏ chopōw
Górnik Zŏbrze – Chrobry Głogōw 33-27
Górnik Zŏbrze wygroł ôba szpile ô trzeci plac.