Na gōrnoślōnskich szportplacach, 24.05.2026

Latoś krajowe puchary we fusbalu stały sie dōmynōm gōrnoślōnskich manszfatōw. Po wygranej Górnika Zŏbrze we Pucharze Polski chopōw i GKS Katowice we PP kobiyt prziszła raja na MFK Karwinŏ we Pucharze Rep. Czeskej. Napoczło sie niy nojlepiyj, ale ze sztandu 0-1 fusbalery ze Karwinej doprowadziyli do wygranej 3-1 na Jabloncym i piyrszego tryumfu dlŏ tego ślōnskigo manszaftu we tych rozgrywkach. Gratulujymy!

We polskej lidze chopōw je już kōniec, a Górnik Zŏbrze dociep latoś jeszcze wicemajstra ligi i start we eliminacyjach Ligi Majstrōw. Na piōnty plac wskoczōł GKS Katowice i wystartuje we eleminacyjach Ligi Kōnferencyjnej. We czeskej lidze Banik Ôstrawa we ôstatnim szpilu uratowoł sznase na ôstanie w lidze i po wygraniu na Dukli Praga 3-0 dostoł sie do barażōw ô utrzimaniy.

 

Fusbal

Liga polskŏ chopōw

Górnik Zŏbrze – Radomiak Radōm 6-2
Pogoń Szczecin – GKS Katowice 1-1
Widzew Łōdź – Piast Gliwice 2-1

Po 34. szpilach Górnik Zŏbrze je 2, GKS Katowice 5, a Piast Gliwice 15.

Puchar Rep. Czeskej chopōw – finał
MFK Karwinŏ – Jablonec 3-1

Liga czeskŏ chopōw
Szpile ô place 7-8
MFK Karwinŏ – Sigma Ołomuniec 1-3 i 0-4

Karwinŏ skōńczōła latoś na 8. placu we lidze.

Szpile ô utrzimaniy
Dukla Praga – Banik Ôstrawa 0-3

Po piyńciu szpilach Banik Ôstrawa skōńvczōł przedôstatni i czekoł go baraż z Taborskym ô utrzimaniy (drugi manszaft w 2. lidze)

Korbbal / Basketbal

Liga czeskŏ chopōw – Play-off, halbfinał
BK Ôpawa – ERA Nymburk 67-95 i 86-98

Grane je do 4 wygranych szpilōw, sztand 4-0 dlŏ Nymburka.

Foto tytułowe: https://www.facebook.com/mfkkarvina