Na gōrnoślōnskich szportplacach, 21.08.2022

Kożdy fto pamiyntŏ szpil Legia Warszawa – Górnik Zŏbrze z 1996 musioł we piōntek przeżyć małe deja vu… Górnik Zŏbrze prowadziōł we Warszawie w 85 minucie 0-2 i wtedy do akcyje wkroczōł szidsrichter: elwer, ftorego do dzisiej ciynżko szukać na powtōrkach, czerwōnŏ kartka i szpil kōńczy sie 2-2. A co jeszczy w szporcie?

Fusbal

Liga polskŏ chopōw
Legia Warszawa – Górnik Zŏbrze 2-2
Piast Gliwice – Stal Mielec 4-0

Po 6 szpilach Górnik Zŏbrze je 10, a Piast Gliwice 14.

Liga czeskŏ chopōw
Banik Ôstrawa – FK Teplice 1-2

Po 4 szpilach Banik Ôstrawa je 9.

Liga czeskŏ babōw
Sparta Praga – Banik Ôstrawa 8-1

To bōł piyrszy szpil.

Tynis

Narodzōnŏ we Bilovcu na Ślōnsku Petra Kvitová wlazła do finału turiyju we Cincinnati, kaj ale przegrała z Caroline Garcia 0:2 (2-6; 4-6). Bōł to jyj 40. finał we żywobyciu, z kerych 29 wygrała, a 11 przegrała. Jak napisała na swojym FB, ta „liczba pokazuje, jakŏ je żych już starŏ„. Mōmy nadzieja, iże nie je to zapowiedź pōjściŏ na szportowŏ pynzyjŏ.

Foto tytułowe: Peter Menzel / CC BY-SA 2.0, Wikimedia Commons – Petra Kvitová