Na gōrnoślōnskich szportplacach, 15.05.2022

Tydziyń tymu za wczas my pogratulowali ZAKSIE Kandzierzin-Kojźly (przeprŏszōm, nie kapnōn żych sie, że finał grany je inkszym modusym jak 1/4 i 1/2 finału), ale tera my sōm już zicher, iże 4. majster latoś trefiōł do Kandrzierzina. Gratulujymy wygraniŏ 3-1 ze Jastrzymbiym.

Przed nami jeszcze dwa finały, kaj grajōm manszafty ze Gōrnego Ślōnska: HCB Karwinŏ we handbalu i BK Ôpawa we korbbalu.

Fusbal

Liga polskŏ chopōw
Bruk-Bet Nieciecza – Piast Gliwice 0-1
Górnik Zŏbrze – Górnik Łynczna 4-2

Po 33 szpilach Piast Gliwice na 5, a Górnik Zŏbrze na 9.

Liga czeskŏ chopōw
Grupa ô majstra
Banik Ôstrawa – Slavia Praga 1-1
Viktoria Pilzno – Banik Ôstrawa 1-0

Po 35 szpilach Banik Ôstrawa skōńczōł na 5 placu.

Grupa ô utrzimaniy
MFK Karwinŏ – FK Teplice 2-2
Bohemians 1905 Praga – MFK Karwinŏ 4-0

MFK Karwinŏ na ôstatnim placu i ślatuje do drugej ligi.  W drugej lidze na 3. placu skōńczōł Slezsky Ôpawa, kery bańdzie grać w barażach ô 1. liga.

Liga polskŏ babōw
Medyk Kōnin – GKS Katowice 0-2
Rekord Biylsko-Biołŏ – Górnik Łynczna 1-5

Po 20 szpilach GKS Katowice je na 4, a Rekord Biylsko-Biołŏ na 12.

Handbal

Liga czeskŏ chopōw – finał play-off
HCB Karwinŏ – Talent Pilzno 33-28

Grane je do trzech wygranych szpilōw, a stan to 1-0 dlŏ Karwinej.

Liga polskŏ chopōw
Gwardia Ôpole – MKS Energa Kalisz 23-31
Azoty Puławy – Górnik Zŏbrze 29-29 (4-3 w “elwrach”)

Po 26 szpilach Górnik Zŏbrze na 5 placu, a Gwardia Ôpole na 9.

Necbal/Voleybal

Liga polskŏ chopōw – finał play-off
ZAKSA Kandrzierzin-Kojźly – Jastrzębski Węgiel 1-3 i 3-0

Po 4 szpilach 3-1 dlŏ ZAKSY i ôna ôstŏwŏ majstrym Polski 2021/22

Korbbal/Basketbal

Liga czeskŏ chopōw
BK Ôpawa – Basket Brno 83-66

Po 5 szpilach 4-1 dlŏ Ôpawy i wans do finału, kaj czekŏ seryjny majster ligi czeskej CEZ Nymburk.