Na gōrnoślōnskich szportplacach, 14.05.2023
Szworty majster latoś trefiōł na Gōrny Ślōnsk. Tyn bōł ale zicher, bo we finale trefiyły sie dwa manszafty ze Gōrnego Ślōnska: Jastrzębski Węgiel a ZAKSA Kandzierzin-Kojźly. Finał blank bez emocyjōw, bo manszaft ze Jastrzymbiŏ wygroł zicher wszystke 3 szpile.
We finale handbala manszaftowi ze Karwinej brachuje już do majstra yno wygranie jednego ze dwōch szpilōw. A we halbfinale czeskej ligi basketbala BK Ôpawa moge szafnōnć synacyjŏ dekady: prowdzi 2-1 ze manszaftym z Nymburka (do tego wygroł jedyn szpil we jejich szpilhali), kery bōł majstrym czeskej ligi 18 ôstatnich lŏt za rajōm!
Dzisiej na wieczōr tyż szpil fusbalerek GKS Katowice. Jak szafnōn wygrać, to majōm droga fraj do majstra Polski.
Fusbal
Liga polskŏ chopōw
Piast Gliwice – Korona Kielce 2-1
Widzew Łōdź – Górnik Zŏbrze 2-3
Dalszŏ tajla artykułu niżyj
Po 32 szpilach Piast Gliwice je 5, a Górnik Zŏbrze 7.
Liga czeskŏ chopōw
Jablonec – Banik Ôstrawa 4-1
Po 32 szpilach Banik Ôstrawa je na 11 placu.
Handbal
Liga czeskŏ chopōw – play-off, finały
Talent ROBSTAV-M.A.T. Pilzno – HCB Karwinŏ 25-28 (po „elwrach’), 36-29
Sztand 2-1 dlŏ Karwinej, grane je do 3 wygranych szpilōw.
Necbal
Liga polskŏ chopōw – play-off, finały
Jastrzębski Węgiel – ZAKSA Kandzierzin-Kojźly 3-0.
Grane bōło do 3. wygranych, Jastrzymbie wygrało 3-0.
Korbbal
Liga czeskŏ chopōw, halbfinał
Era Basketball Nymburk – BK Ôpawa 94-81, 75-94 i 77-84
