Na gōrnoślōnskich szpilplacach i lodowiskach: 11.03.2018
Tyn tydzień ze roztomaitym szczyńsciym ułożōł sie dlŏ gōrnoślōnskich manszaftōw.
We derbach Ślōnska Gōrnik Zŏbrze yno zremisowoł ze Zagłymbiym Lubin 2-2. Yno, bo grōł u siebie, ôd 10 minuty grōł w przewadze i prowadziōł do 91 minuty 2-1. Zaczło sie we 10 minucie ôd czerwonej kartki dlŏ Mateusza Matrasa. We 20 minucie na 1-0 dlŏ Gōrnika strzelōł Mateusz Wieteska. Ale ze Zagłymbie nie planuje ôdpuścić już w 29 minucie pokozōł Jakub Mareš, kery strzelōł tor na 1-1. We 37 minucie na 2-1 wraziōł Dani Suarez. I tak bōłô do 92 minuty. Wszyjscy liczyli już 3 punkty dlŏ Gōrnika, kiedy wyrōwnoł Filip Starzyński i Gōrnik Zŏbrze zajś potraciōł punkty.
Kupa lepiyj poszło Piastowi Gliwice, kery wygroł we Nowym Sōnczu ze Sandecjōm 3-0. Tory strzelili: Mateusz Szczepaniak we 14 minucie, Karol Angielski we 31 minucie i na kōniec szpilu Joel Valencia (91 minuta).
Gōrnik Zŏbrze je 4, a Piast Gliwice 12.
Dalszŏ tajla artykułu niżyj
We czeskej lidze MFK Karvina grała do kōńca i we 87 minucie Tomaš Wagner strzelōła tora na 1-1 ze Spartōm Praga. Nojpiyrw we 24 minucie na 0-1 strzelōł Guelor Kanga. Karvina cołkym dobrze radzi sie na wiosna i jak tak dalyj pōndzie, to spokojnie sie utrzimie.
Gorzyj wyglōndoł to we Baniku Ostrawa, kery zajś przegoł. Tera 2-0 we Jablōncu, ze FK. Po tym szpilu Banik zwolniōł ze roboty trenera Radima Kučera. Niy ma jeszczy nowego i narazie tryningi poprowadzi asystynt.
Karwina je 12, Banik dalyj ôstatni, ze corŏzto mańszymi szansōma na utrzimaniy.
A co na lodowiskach?
We lidze czeskej HC Oceláři Trzyniec miōł fraj i czekōł na ćwierćfinały play-off, kaj ôd wtorku bandzie sie mierzōł ze Dynamo Pardubice.
We lidze polskej sōm już pōłfinały i narazie wyglōndoł to dobrze dla gōrnoślōnskich manszaftōw.
Turon KH GKS Katowice we piyrszym szpilu wygroł 5-3 ze Cracoviōm Krakōw. Dodatkowo manszaft ze Katowic chce ôdsuniyncia ôd 1 szpilu dwōch szpilerōw ze Krakowa (ôbaj za zagranie niebezpieczne i nie fair).
GKS Tychy wygoł już ze TartrySki Podhale Nowy Tŏrg dwa szpile – 4-0 i 3-1. Tera czekajōm jych dwa szpile we Małopolsce.
Foto: www.snappygoat.com
