Lubliniec: Groźnŏ kolizyjŏ na drōdze nr 11

Do groźnyj kolizyje doszło w sobotã na drōdze nr 11 w Kokotku. Skuli zderzyniŏ trzech wozideł, drōga była zaszperowanŏ bez godzinã. Policyjōny wyznaczyli ôbjazdy. Wachtyrze prawa apelujōm, żeby dać pozōr.

Do zdarzyniŏ doszło pŏrãnŏście minut przed 16.00 na drōdze nr 11 w Lublińcu. Na łuku drōgi kerujōncy renault 55-latek ukiołzdnōł, straciōł panowanie nad wozidłym, sjechoł na przeciwny pas ruchu i zderzōł sie ze volkswagenym i dostawczym iveco. Na szczyńście, chociŏż auta były moc poprzniōne, żŏdnymu nic sie niy stało. Problymy w ruchu trwały bez godzinã. Do czasu skludzyniŏ skutkōw zdarzyniŏ szandarzi wyznaczyli ôbjazdy.

Mōndurowi apelujōm, żeby dać pozōr i dopasować szwōng do warōnkōw. Aura niyma sprzimierzyńcym kerowcōw. Ôpady dyszcza, zalegające w wielu placach mokre liście i sroge zachmōrzynie powodujōm, iże we wielu placach na drōgach może być niybezpiecznie.

Zdrzōdło: KKP Lubliniec

Dalszŏ tajla artykułu niżyj