Libero Katowice już fertich. Czas na wielke ôtwarcie! [filmy, fotografije]
Libero, to znaczy nojnowszy kōmpleks handlowo-rozrywkowy na Ślōnsku, zaprŏszŏ piyrszych klijyntōw w samo połednie we sztwŏrtek, 15 listopada. Na tã przileżytość na gości czekać bydōm liczne prōmocyje jak tyż atrakcyje, take jak m.in.: warsztaty kulinarne, modowe metamorfozy, dorady makijażystek i golacza, tref z fuzbalŏrkami GKS-u Katowice, a dlŏ nojmodszych – kreatywne warsztaty, graczki i kōnkursy z nadgrodami. Tego dnia wystartuje tyż wielkŏ loteryjŏ Libero z pulōm nadgrōd wert powyżyj 200 tys. złotych, co w nij nojważniyjszŏ nadgroda to je SUV Hyundai Tucson. Fajrowanie ôtwarciŏ bydzie miało kulminacyjõ w Wikynd z Gwiŏzdami, co je zaplanowany we dniach 30 listopada – 2 grudnia.
„Ludzie chcōm jeść”, „Ludzie chcōm sie bawić” i „Ludzie chcōm wyglōndać” – pod tymi hasłami bydzie sie prawie dziŏć we Libero. – Prziwitōmy sie z miyszkańcami Katowic w wyjōntkowy spusōb. Na ôtwarciu Libero ô podniebiynia piyrszych gości w czasie warsztatōw i pokazōw warzyniŏ na żywo zadbŏ Aneta Zabiegała, twōrczyni manufaktury smaku Cook for You, a fotografistka Iwona Kowalska pokŏże, jak smartfōnym i fotografijōm kulinarnōm zawojować Instagram. W czynści poświyncōnyj szpasowi narychtowalimy m.in.: warsztaty DJ-skie, spōlny tryning z instruktorami z Fabryki Formy i tref z fuzbalŏrkami byniaminka Ekstraligi z katowskigo GKS-u. – gŏdŏ Grzegorz Filipczyk, dyrechtōr Libero Katowice.
Dyrechtōr nowo wybudowanego cyntrum przidŏwŏ, iże sztwŏrtkowŏ inauguracyjŏ spodobŏ sie tyż tym, dlŏ kerych liczy sie moda i sznit, pōniywŏż Libero zaprosi na tref ze znanōm stylistkōm Agnieszkōm Krajewskōm z Pokokarde Sztudio. Postrzōd atrakcyji ôtwarciŏ znŏdło sie tyż zaproszynie do świata urody i pielyngnacyje: panowie bydōm mogli darmo zadbać ô brodã u profesjōnalnego golacza, a panie – użyć dorad ôd makijażystek i manicurzystek. Tego dnia mocka niyspodzianek czekać bydzie tyż na nojmodszych. Z myślōm ô nich zaplanowanŏ ôstała zaczarowanŏ krajina, w keryj dzieci bydōm mogły sie pobawić i wziōńć udzioł w kōnkursach jak tyż warsztatach rynkodzieła.
Dalszŏ tajla artykułu niżyj
Libero to nojmoderniyjszy wielofunkcyjny kōmpleks handlowo-rozrywkowy na Ślōnsku ô powiyrchni 45 000 mkw. GLA, kerego posiedzicielym i deweloperym je Echo Investment. W przijaznyj i kōmfortowyj przestrzyni 3-kōndygnacyjny ôbiekt pōmieści bez 150 sklepōw i pōnktōw usugowych, liczne restauracyje i kafyje, nojnowszy w tyj czynści krŏju multipleks, klub fitness i cyntrum medyczne. Położōne na połedniu Katowic przi sztrece DK81, Libero posiadŏ certyfikacyjõ ekologicznõ BREEAM. Autorym projektu architektōnicznego je pracownia MOFO Architekciŏ.