KW RAZEM po ślōnsku i kaszubsku

Nie yno ślōnske partie pamiyntajōm ô ślōnskej gŏdce przi wyborach kōmunalnych. KW RAZEM narychtowało ulotki po slōnsku (do ôzdŏwaniŏ we woj. ôpolskim i ślōnskim) jak i po kaszubsku dlŏ tamtego regiōnu.

Ślōnskŏ wersyjŏ ulotek naszykowoł kandydat KW RAZEM spod Ôlesna Jerzy Ochman, kery startuje do sejmiku woj. ôpolskygo. Ulotki to program partyji RAZEM. Sōm ô transporcie publicznym, placach w żłobkach dlŏ bajtli, umowach ô robota, z kerej idzie godnie żyć.