Kōniec śledztwa skuli mordu birgermajstra Dietera Przewdzinga

Prokuratōra Ôkryngowŏ we Ôpolu zawarła śledztwo skuli mordu birgermajstra Diszowicōw (pol. Zdzieszowice), Dietera Przewdzinga. Ôstoł ôn zamordowwany 18 lutego 2014 roku. Bez 4 lata przesuchano 200 świadkōw. We śledztwie brali też udział kryminalne szandary ze Ukrainy a Niymiec. Śledztwo zawarto, bo nie ustalōno, kto bōł mordyrzym Dietera Przewdzinga. Tera prokurator zadecyduje ô umorzyniu abo kontynuowaniu śledztwa, jak znojdzie jeszczy jakeś ślady do wyjaśniynia. Prokurator mŏ to ôgłosić za pŏra dni.

Spōmnymy: Dieter Przewdzing bōł zamordowany na swoim statku* we Krampie (pol. Krępna), na wieczōr, 18 lutego 2014. Mordyrz poderznōn mu gardło na progu jego dōmu.

Skuli ôpowiedzyniŏ sie birgermajstra Przewdzinga za autōnōmijōm Ślōnska i prōbōm skupaczynia Mniyjszości Niymieckiej we ôpolskym wojewōdztwie i Ruchu Autōnomije Ślōnska, sprawa dlŏ wielu miała wymiar polityczny.

*statek – coby nie bōło źle zrozumiane – ślōnske miano na gospodarstwo, majōntek.

Foto: Excolis / Wikimedia Commons