Fojerman: W Naszym Kraju
W Naszym Kraju
W Naszym Kraju
Kożdy swojigo mo wroga.
W Naszym Kraju
Wrōg je ważniejszy ôd Boga.
W Naszym Kraju
Kożdy musi mieć wroga!
Dalszŏ tajla artykułu niżyj
W Naszym Kraju
Wroga trza se uchować.
W Naszym Kraju
Człowiek bez wroga je niczym.
W Naszym Kraju
Bez wroga sie człowiek niy liczy.
W Naszym Kraju
Tyn sie liczy dziepiyro,
W Naszym Kraju,
Co we wrogach przebiyro.
W Naszym Kraju
Niy trza piniyndzy, czy złota.
W Naszym Kraju
Ważny je wrōg, niy robota.
W Naszym Kraju
Jo bych chcioł żyć bez wroga.
W Naszym Kraju.
Tōż pytōm sie, czy moga?
W Naszym Kraju…
Stasiek Neblik, ps.”Fojerman” – Ślōnzok, fojermōn na pynzyji, autor ksiōnżki ”Do rymu po naszymu, abo ślōnski miszmasz” a autor „Dykcjōnorza Godki Ślōnskij”, człōnek DURŚ.
