Fojerman: Kejby

2019.11.19

Dalszŏ tajla artykułu niżyj

Kejby

Tak se myśla, ludzie miyli,
Co sie z nami stało?
Kejby wszyscy sie chyciyli…
Dyć nas niy ma mało!

Kejby Ślōnzok niy bōł klipa,
Chyciōł sie roboty,
Niy gańbowoł sie jynzyka,
Lepszy by żōł potym.

Kejby ludzie chcieli słōchać,
Wejrzeć kaj do ksiōnżki,
Możno z tego by nauka
Była, ludzie ślōnski?

Kejby ludzie niy czakali,
Na ta manna z nieba,
Możno by my byli dalij.
Tak mało nōm trzeba.

Trza nōm wiary i nadzieje,
Mynij haje, swady,
Jak sie ślōnskość z serc wyleje,
Przeca dōmy rady.

 

Stasiek Neblik, ps.”Fojerman” – Ślōnzok, fojermōn na pynzyji, autor ksiōnżki ”Do rymu po naszymu, abo ślōnski miszmasz” a autor „Dykcjōnorza Godki Ślōnskij”, człōnek DURŚ.

Społym budujymy nowo ślōnsko kultura. Je żeś z nami? Spōmōż Wachtyrza

Jakeście sam sōm, to mōmy małõ prośbã. Budujymy plac, co mŏ reszpekt do Ślōnska, naszyj mŏwy i naszyj kultury. Chcymy nim prōmować to niymaterialne bogajstwo nŏs i naszyj ziymie, ale to biere czas i siyły.

Mōgliby my zawrzić artykuły i dŏwać płatny dostymp, ale kultura powinna być darmowŏ do wszyjskich. Wierzymy w to, iże nasze wejzdrzynie może być tyż Waszym wejzdrzyniym i niy chcymy kŏzać Wōm za to płacić.

Ale mōgymy poprosić. Wachtyrz je za darmo, ale jak podobajōm Wōm sie nasze teksty, jak chcecie, żeby było ich wiyncyj i wiyncyj, to pōmyślcie ô finansowym spōmożyniu serwisu. Z Waszōm pōmocōm bydymy mōgli bez przikłŏd:

  • pisać wiyncyj tekstōw
  • ôbsztalować teksty u autōrōw
  • rychtować relacyje ze zdarzyń w terynie
  • kupić profesjōnalny sprzynt do nagrowaniŏ wideo

Piyńć złotych, dziesiyńć abo piyńćdziesiōnt, to je jedno. Bydymy tak samo wdziynczni za spiyranie naszego serwisu. Nawet nojmyńszŏ kwota pōmoże, a dyć przekŏzanie jij to ino chwila. Dziynkujymy.

Spōmōż Wachtyrza