Fojerman: Kejby
2019.11.19
Kejby
Tak se myśla, ludzie miyli,
Co sie z nami stało?
Kejby wszyscy sie chyciyli…
Dyć nas niy ma mało!
Kejby Ślōnzok niy bōł klipa,
Chyciōł sie roboty,
Niy gańbowoł sie jynzyka,
Lepszy by żōł potym.
Dalszŏ tajla artykułu niżyj
Kejby ludzie chcieli słōchać,
Wejrzeć kaj do ksiōnżki,
Możno z tego by nauka
Była, ludzie ślōnski?
Kejby ludzie niy czakali,
Na ta manna z nieba,
Możno by my byli dalij.
Tak mało nōm trzeba.
Trza nōm wiary i nadzieje,
Mynij haje, swady,
Jak sie ślōnskość z serc wyleje,
Przeca dōmy rady.
