Na gōrnoślōnskich szportplacach, 2.05.2021

Co to bōł za tydziyń! Mōmy latoś na Gōrnym Ślōnsku 4 i 5 majstra! Gratulujymy hokeistōm ze Trzińca, kerzi nojtrudniejszy mōmynt mieli chyba we halbfinale, kaj potrzebowali aże 7 szpilōw do wyeliminowaniŏ Mladej Boleslav. We finale gładko wygrali ze Libercym we 5 szpilach i ôbrōnili majstra sprzed 2 lŏt (łōńskigo roku skuli pandemije szpile ô majstra nie bōły dokōńczōne).

Ale nojważniejszy majster to sobotnie wygranie Europejskej Ligi Majstrōw bez manszaft ze Kandzierzina-Kojźlŏ. ZAKSA grała finał we Italiji ze manszaftym Trentino i wygrała go 3-1! Gratulujymy.

Fusbal

Liga polskŏ babōw
Rolnik Biedrzichowice – AZS UJ Krakōw 0-4
KPP Bydgoszcz – GKS Katowice 0-5
APLG Gdańsk – ROW Rybnik 1-0

Po 18 szpilach GKS Katowice je 8, ROW Rybnik 11, a Biedrzichowice 12.

Liga czeskŏ
Slezský FC Ôpawa – Bohemians 1905 Praga 1-1
Banik Ôstrawa – Zbrojowka Brno 1-1
Pardubice – MFK Karwinŏ 2-2

Po 30 szpilach Banik Ôstrawa je 8, Karwinŏ 12, a SFC Ôpawa 18.

Hokej na lodzie

Liga czeskŏ – finał
HC Oceláři Trziniec – Bílí Tygři Liberec 3-1

Po 5 szpilach 4-1 dlŏ Trzińca i to manszaft ze Ślōnska ôstŏwŏ majstrym czeskej ligi we sezōnie 2020/2021!

Voleybal

Europejskŏ Liga Majstrōw – finał
ZAKSA Kandzierzin-Kojźly – Trentino Volley 3-1

Handbal

Liga polskŏ babōw
MKS Perła Lublin – KPR Ruch Chorzōw 28-24
EB Start Elblōng – KPR Ruch Chorzōw 35-25

Po 23 szpilach KPR Ruch Chorzōw je 8.

Basketbal / Korbbal

Liga czeskŏ – play-offy – sztwierćfinały
BK Ôpawa – Kralostvi Sokoli 89-84
BK Ôpawa – Kralostvi Sokoli 79-56
Kralostvi Sokoli – BK Ôpawa 70-95

Po 3 szpilach 3-0 dlŏ Ôpawy i awans do halbfinału.