77. Tour de Pologne przejedzie bez Gōrny Ślōnsk

Latoś ôkrojōny skuli COVID 77. Tour de Polognie nie ôminie Gōrnego Ślōnska. Wyścig napocznie sie 5 siyrpnia i już piyrszego dnia kolŏrze startować bandōm we Chorzowie na Stadiōnie Ślōnskim, żeby skōńczyć we Katowicach (ale wiynkszoś tego etapu bandōm sie ścigać po nieślōnskich terynach).

Nojbarzij gōrnoślōnski bańdzie drugi etap (6.08.2020), kiej sztartować bandōm we Ôpolu, a pojadōm do Zŏbrza bez Anaberg.

Trzeci dziyń sztart we Małopolsce (Wadowice), ale meta we ślōnsko-małopolskej Biylsko-Biołej.

Ôstatnie dwa etapy to już yno Małopolska: 8.08.2020 wele Bukowiny Tatrzańskej, a 9.08. ze Zakopanygo do Krakowa.

Dalszŏ tajla artykułu niżyj

Sam mogecie ôbejrzeć cołkŏ sztreka: https://www.tourdepologne.pl/etap-1/

Dlŏ przipōmniyniŏ: piyrszy rŏz wyścig bōł ôrganizowany we 1928 roku. Ôd 1993 roku startujōm w nim profesjōnaliści, a ôd 2005 roku je ôn we kalyndŏrzu UCI.