„Żywobycie ôd Briana” we Kinie Kosmos

We wtorek, 22 stycznia, ô pōł siōdmyj na wieczōr (18:30) we Kinie Kosmos w Katowicach bydzie szło ôbejzdrzeć film „Żywobycie ôd Briana” („Life of Brian”), co jego autorami je angelskŏ grupa kōmikōw Monty Python.

Film ôsprawiŏ ô anōnimowym Brianie Cohenie, co narodziōł sie we tyn dōm dziyń, co Jezus i we masztalni, co stoła kole Jezusowyj masztalnie. Brianōw los i niyskorzij je moc podobny do tego ôd Jezusa. Skirz tego tōż – a tyż bez to, iże je to farsa, co sie dzieje we czasach wczesnego krześcijaństwa – autorzi byli ôbskarżyni ô bluźnierstwo i pokazowanie filmu było zakŏzane bez lata we Irlandyji i Norwegiji, jak tyż we niykerych partach Wielkij Brytanije.

Po seansie bydzie szło posuchać prelekcyje i dyskusyje, co je bydzie kludzić Agnieszka Karpiel, kulturoznŏwczyni, fotografistka i koordynatorka Klubu Filmowego Ambasada.

Dalszŏ tajla artykułu niżyj

Foto: Kadr z filmu.