Zobrze: Wpod po 6 latach

Zobrscy kryminalni, co zajmujōm sie poszukowaniym ôsōb, co sie kryjōm przed wymiarym sprawiedliwości, chyciyli chopa, co sie krōł ôd 6 lot. Poszukowany bōł do ôdbycio kory pozbycio swobody za znyncanie sie nad byłōm partnerkōm i dzieckym. Nojbliższy rok przepyńdzi za krotami heresztu.

57 lot stary chop krōł sie za granicōm. Szandarzi ôbsztalowali, iże miyszkoł w Niymcach. Jak przijechoł na pora godzin do Zobrzo, to zaroz bōł chycōny w cyntrum miasta. Chop bōł barzo udziwiōny. Ekstra niy lecioł fligrym, ino siyła godzin jechoł autym na Ślōnsk, coby policyjōny niy przewiedzieli sie ô jego poragodzinnym byzuchu. Chocioż bōł pozorny, niy pōmogło mu to uciyc przed chycyniym. Chop już je we hereszcie, kaj przepyndzi nojbliższy rok.

Fot.: KMP Zobrze