Tynisistka ze Ślōnska wygrała w Brisbane

Květa Peschke, narodzōnŏ we Bilovcu na Ślōnsku (Rep. Czeskŏ), wygrała piyrszy turniej debla WTA, kery latoś ôdbōł sie we Brisbane (Australijŏ). Tynisistka ze Ślōnska grała w parze ze Nicole Melichar ze USA.

We finale wygrały ze parōm z Tajwanu Yung-Jan Chan a Hao-Ching Chan we dwōch szpilach 6-1 a 6-1.

Drōga do finału to:

1/2: wygranŏ ze parōm Krejcikova/Siniakova 2-0

1/4: wygranŏ ze parōm Danilovic/Potapova 2-0

1/8: wygranŏ ze parōm Kasatkina/Kontaveit 2-0

Květa Peschke a Nicole Melichar nie straciōła ani jednego szila (gema) we cołkym turnieju.

Nie yno Květa Peschke narodziyła sie we Bilovcu na Ślōnsku. We tym mieście prziszła na świat tyż Petra Kvitová, kerŏ ale ôdpadła we Brisbane już we 1/8 finału ze Anett Konataveit ze Estonije.

Turniej we Brisbane je przedôstatnim testym przed Australian Open, kere napocznie sie 14 stycznia we Melbourne.

Foto: Andrew Campbell / CC BY 2.0, via Wikimedia Commons