Targi sztrōmu i wody – E-World 2018

We dniach ôd 6 do 8 lutego w Essen ôdbywały sie Targi Sztrōmu i Wody – E-World 2018. Na przeszło 750 sztandach prawie tysiōnc wystŏwcōw ze cołkygo świata pokŏzywało nŏnowsze technologije – ôd szporowaniŏ sztrōmu do prototypōw we dziedzinie ôdnŏwialnej ynergije.

Jak sie ôglōndało te sztandy, to idzie pedzieć, co tera słowo ECO ôstało wyparte bez SMART. Możno skuli tego, co świadōmoś ekologicznŏ na zachodzie nŏleży już do codziynności i tera chcōm iś z tym ô krok dalyj. Wszyjsko je tera SMART (intyligyntne): sztrōm je smart, miasta sōm abo majōm być smart, pomiary muszōm być smart, nawet polityka takŏ sã ponoć je. Za tyn smart kryje sie szporowanie z gowōm na wszyjskej ynergiji – sztrōmie, cieple, wodzie – dlŏ dobra środowiska.

Ôstatni dziyń to kōmentowanie nowej (starej) koalicji, jakŏ utworzy niymiecki regiyrōng. Wszyjscy sōm zgodni, co skuli tego mało co sie zmiyni we polityce klimatycznej a ynergetycznej.