„Ślōnski czytani” – IX Ślōnski sztwortek DURŚ

Dzisioj 22.11.2018r ô piōntej po połedniu we HALO RYBNIK bōł już IX tref zrychtowany bez Demokratyczno Unijo Regijonalistōw Ślōnskich ze seryji „Ślōnski sztwortek”.

Tymat na dzisioj to : „Ślōnski czytani”, abo wspōłczesno literatura ślōnsko, kero czytajōm człōnkowie DURŚ.

Byli my radzi, co przyszli zacni goście – poety a pisorze, kerzy czytali swoje kōnski swojich utworōw: Regina Sobik, Bogdan Dzierżawa (Utopek), Andrzej Piontek, Stanisław Neblik (Fojerman). Krōm nich człōnkowie DURŚ przeczytali miyndzy inkszymi utwory Lucyny Szłapki, Marcina Melona, Marcina Szewczyka, eli „Małego Princa” Antoine’a de Saint-Exupéry’ego, kery przetłōmaczył Grzegorz Kulika, a wiela inkszych. Tref sie skōnczōł przyśpiywkami znanego poety ziymi rybnickij Bogdana Dzierzawy, kery piyknie przygrwoł se na ôrgankach.

Dalszŏ tajla artykułu niżyj