Ślōnske limeryki
Ślōnske limeryki
I
Miyszkōł w Chebziu Pyjter Sztōmpka
Ftoś mu porwoł z koła pōmpka
Kup sie nowo, godo Staro
Ôn jōm zrobiōł blank na szaro
Zamiast pōmpki kupiōł trōmpka
II
Dalszŏ tajla artykułu niżyj
Mōm kamrata zwie sie Gwido
Bōł na wczasach kajś nad Nidą
Tam go chciała narzyczōno
Przijōńć roz na swoje ôno
Lecz za słabe miōł libido
III
Chopy z Wiyrka i ôkolic
Piyknyj Hyjdli bardzo pszoli
Ôd nij zaś kożdego ranka
Wychodziyła koleżanka
Czasym prowda bardzo boli
IV
Chcieli bardzo wlyjźć do szole
Kejsi Legii dwa kibole.
Jedyn : K…a, rzecz zdradziecka,
Bo ta szala poniemiecka
Drugi na to: Ja pie…lę!
V
Żōł na Kōntach jedyn Tytus
Bardzo lubiōł brynszpyrytus
Kejsi woło ze zdziwiyniym:
Eli słōńca to zaćmiynie
Eli Kōntōw mych finitus
VI
Na szpil ida, godo Egōn
Możno dźwignie mi sie ego
Ty pacz ino, by sie dźwigło
Kej mosz w łóżku frela śmigło
Woło Truda zaś do niego
VII
Farorzowi z Radziōnkowa
Pszoła kejsi jedna wdowa
Nic niy wyszło z wdowich kwańtōw
Farorz woloł ministrantōw
A do tego jedyn browar
VIII
Jedyn Hanys brat Erwina
Chciōł roz wypić beczka wina
Stōnd sie wziyna srogo sprzeczka
No bo skōnd wziōnĉ wina beczka
A w dodatku we Lipinach
Dziynkuja bardzo za poprōwki, kere żech sie wziōn do serca. A coby niy być gołosłōwnym, prezyntiyruja dwa nastympne z moich limerykōw:
Szaman z Hula-Gula
Jedyn szaman z Hula-Gula
Chciōł sie dostać roz do ula
Niy pomogły żodne modły
Pszczoły szpetnie go pobodły
Teroz borok leżi w bōach
Toplani prymiera
Roz w jeziorze kole Buska
Prziszoł prymier sie wypluskać
Lecz niy widziōł srogij fali
Co dopadła go z ôddali
Besto zwalōł to na Tuska
Panie Iryneuszu, talynt do rymōw widzã w Waszych wierszykach wyraźny, dyć z tych wierszykōw jyno jedyn idzie porachować do limerykōw jako takich. Klasyczny limeryk to niy jyno piynć rzōndkōw z rymami AABBA – w piyrszym rzōndku rym musi tworzić nazwa geograficznŏ. W piyrszym znanym limeryku piyrszy rzōndek kōńczōł sie mianym irlandzkego miasta Limerick, tak jak je u Wŏs w limeryku VII, kaj na kōńcu piyrszego rzōndka je „Radziōnkowa”. Bez społniyniŏ tego warōnku mōmy jyno quasi-limeryki.
Pani Reginŏ – w Waszym wierszyku je jedyn rzōndek za dużo, ku tymu rymujecie AABBCC, tōż i rym je jedyn niypotrzebny. Idziecie atoli w dobrym kerōnku.
Piyknie po naszymu a to i moj limeryk
Gołymbie
Czy we Krakowie czy we Rybniku
na rynku dycko je jich bez liku
chodzom nadynte jak jakiś paw
na som jich widok bjere mje strach
jak szewc klna szpetnie by łodleciały
a te pierony mje łobesrały
Regina Sobik