Nowiny

Rybnik: Torgi Edukacyje już 13 roz [ODWOŁANE]

Aktualizacyjo 10.03.2020: Torgi edukacyje ôdwołane. Nowy planowany termin 17 kwietnia 2020.

We piōntek, 20 marca w tym roku, w Zespole Szkōł Budowlannych przi ul. Świyrklańskij 42, bydōm zaś, naszykowane już trzinosty roz, Rybnicki Torgi Edukacyje.

Latosio edycyjo bydzie wyjōntkowo, bo na poczōntek pokożōm autorski tyjater „Abra Budabra” ôd gospodorzi imprezy – rechtorōw ze Zespołu Szkołōw Budowlannych, ôd Izabele  Karwot. Tyjater naszykowany je dlo latosich szkolorzi, co kōńczōm podstawōwki, a zachwolo     nauka we budowlance.

W czasie torgōw młodzioki bydōm mōgli ôbejrzeć, co majōm im do pokozanio wszystki rybnicki szkoły strzedni a korzysztać ze roztomańtych atrakcyjōw. W czasie turnieja e-szportu  bydzie szło zagrać we znano gra  strategiczno „League of legend”.  Bydzie tyż, dlo wszystkich gości, naszykowano kawiarynka.

Dalszŏ tajla artykułu niżyj

Przi fajerze na ôtwarci torgōw bydzie podpisano umowa trzech strōnōw: Zespołu Szkołōw Budowlannych, fyrmy AWIM INVEST z Rybnika, a rybnickigo Ochotniczego Hufca Prace. Umowa tyczyła sie bydzie spōłprace przi szykowaniu praktykōw dlo szkolorzi, a tyż naszykowanio klasy patrōnackij dlo piyrszej klasy szkoły ze fachami: mulorz – pucowacz, mōnter zabudowy a robotōw  wykōńczyniowych we budownictwie.

Ôtwarci torgōw planowane je ô 9:00 we sali ôd OPP Przigoda.

Zdrzōdło UM Rybnik, Fotografije: L. Tyl, Przekłod: Stanisław Neblik

Społym budujymy nowo ślōnsko kultura. Je żeś z nami? Spōmōż Wachtyrza

Ôstŏw ôdpowiydź