Rybnik: Napisz pismo do Dzieciōntka

Ôd 9 do 20 grudnia naszykowano bydzie we urzyndzie miasta Godnio Poczta, kaj bydzie szło napisać pismo do Dzieciōntka a powinszowania dlo Rybnika.

Ôd pyndziałku, 9 grudnia, tak jak łōński rok, Godnio Poczta bydzie naszykowano na I sztoku we UM (wynści ôd ul. Bolesława Chrobrego) i bydzie ôtwarto w tych samych godzinach, co urzōnd:

• pyndziałek, wtorek, strzoda – od pōł ōsmej do pōł sztwortej po połedniu.

• sztwortek – ôd pōł ōsmej do szōstej wieczōr

• piōnek – ôd pōł ōsmej do jednej po połedniu

Jako napisać pismo do Dzieciōntka?

• wejź gotowo kartka z naszykowanej w UM poczty godnij.
• na jednej tajli karty napisz prośby do Dzieciōntka, na drugij godni powinszowania dlo Rybnika.
• karto podziel na poły – tajla ze prośbami do Dzieciōnka wejź dudōm, a powinszowania dlo Rybnika wciepnij do godnij brifkasty (krzinki pocztowej).

21 grudnia, na rynku, przi ôkazyji finału Godōw a Kolynowanio, spostrzōd najpiykniejszych i najciekawszych powinszowań dlo miasta, welowani bydōm  zwyciynzce, co im bydōm podarowane miejski geszynki.

Program latosich Rybnickich Godōw a Kolyndowanio je na strōnie:   https://www.rybnik.eu/dla-mieszkancow/aktualnosci/aktualnosc/xi-rybnickie-boze-narodzenie-i-koledowanie/

Winszujymy wszystkim dużo szpasu a uciechy.

Zdrzōdło: UM Rybnik, przekłod: Stanisław Neblik, fotografije: Lucyna Tyl.