Ruda: Tysiōnce lewych cygaryt

Szandarzi, co zwalczajōm przestympczość gospodarczõ, znŏdli i zastawiyli dalszõ ôsobã podyjzdrzanõ ô handel niylegalnymi cygarytami. Kobiyta przedŏwała kōntrabandã we swojim pōmiyszkaniu. W czasie zastawiyniŏ skonfiskowane były cygaryty bez polskich znakōw akcyzy, co niy trefiōm na czŏrny rynek.

Policyjōny z Wydziału do Walki z Przestympczościōm Gospodarczōm Kōmyndy Miastowyj Policyje z Rudy Ślōnskij po dostaniu informacyji ôbsztalowali dalsze pōmiyszkanie, kaj przedŏwane były używki niylegalnie wkludzōne na polski rynek. W czasie przeszukaniŏ wachtyrze prawa znŏdli pŏrãnŏście tysiyncy cygaryt, co pochodziyły z przemytu abo niylegalnych fabryk. 38 lŏt starŏ kobiyta ôdpowiy terŏz za przedej produktōw tabakowych bez polskich znakōw akcyzy, grozi jij za to wysokŏ kŏra grziwny.

Zdrzōdło: KMP Ruda Ślōnskŏ, fotografijŏ ilustracyjnŏ