Reggae Festiwal we Wodzisławiu w tyn weekynd!
Już 27 i 28 lipnia Tabu, David Lion, Maleo Reggae Rockers jak tyż gość ekstra O.S.T.R. i inksi wystōmpiōm w czasie Nojcieplyjszego Placu Na Ziymi 2018 – Reggae Festiwalu! Jubileuszowŏ, 15. edycyjŏ fajru ôdbydzie sie na stadiōnie miejskim przi ul. Bogumińskij we Wodzisławiu Ślōnskim. Stymp darmowy!
W tym tydniu ruszŏ wyczekowany ôd mocka ôsōb fajer „Nojcieplyjszy Plac Na Ziymi – Reggae Festiwal”. Atrakcyjni muzykańciŏ, widowiskowe kōncerty, perfekt publiczność i szumnŏ atmosfera – dziynki tymu wszyjskimu bez dwa festiwalowe dni bydzie się szło bawić jak nigdy. Gorke takty zaś bydōm się roznosić na stadiōnie miejskim, kaj znojdzie sie tyż drugŏ bina sound systymowŏ ze strefōm chill out na sztrandzie. Festiwalowe gadżety dedykowane jubileuszowyj edycyji festiwalu bydzie szło kupić na ekstra sztandzie. Niy braknie tyż placu pod celt.
Nojcieplyjsze Plac na Ziymi – Reggae Festiwal ôrganizuje dlŏ miasta Wodzisławia Ślōnskigo Wodzisławske Cyntrum Kultury i Total Promotion.
Program:
Dalszŏ tajla artykułu niżyj
27 lipca, piōntek:
18.00 – Rozgrzewka – Dr Love/Slaveah/Cheeba
20.00 – Maleo Reggae Rockers
21.30 – Bob One & Bas Tajpan
23.00 – Gość Ekstra – O.S.T.R
00.30 – King Horror Sound & Alex Bass (ES)
28 lipca, sobota:
17.00 – Roots Soldiers
18.30 – The Djangos
20.00 – Damian Syjonfam
21.30 – Tabu
23.00 – David Lion (IT)
00.30 – Etna Kontrabande
