Przeglōnd tydnia na gōrnoślōnskich szpilplacach
We Korei dalyj trwajōm Zimowe Igrzyska, ale dzieje sie też już wiela na gōrnoślōnskich szpilplacach.
Grŏ już polskŏ Ekstraklasa, a w niyj nasze ferajny.
W niedziela Piast Gliwice wygroł we Gdańsku ze Lechiōm 2-0 po golach Szczepaniaka (65 minuta) i Papadopulosa (90 minuta). Dziynki tej wygranej we Gliwicach bandōm mōgli w tym tydniu spokojniyj trynować.
Gōrnik Zŏbrze dopiyro na wieczōr we ôstatnim szpilu kolejki bandzie gojściōł Bruk-Bet Termalica Nieciecza. Kożdy wynik prōcz wygranej Gōrnika bandzie uznany za niespodzianka.
Dalszŏ tajla artykułu niżyj
Gōrnik je 4, a Piast 13.
Grajōm też we Republice Czeskej. Karwina wygrała we Mladej Boeslav 1-0 po golu ôd Wagnera w 91 minucie! Nie miōł za to szczyńscia Banik Ôstrawa, kery u siebie przegrōł ze Slovackym 1-2. Jedynego gola przi stanie 0-2 strzelōł Poznar. Bōło to we 74 minucie.
Karwina je 11, a Banik ôstatni – 16.
I we Polsce i we Czechach pauzuje jeszczy drugŏ liga.
