Połednica ze Szlaku Ślōnskij Gŏdki sie znŏdła

Policyjōny Wydziału do wydziału z przestympczościōm przeciwko statkowi katowskij kōmyndy znŏdli i ôdzyskali nastympnõ figurkã porwanõ ze szlaku gŏdki ślōnskij. Do raubu doszło w mŏju terŏźnego roku z placu Sławika i Antalla. Cołke zdarzynie zaregistrowały kamery mōnitoringu i miyndzy inkszymi informacyje dostane tym spusobym pōmogły katowskim ôperacyjnym w ôdnŏdniyńciu figurki i chycyniu złodzieja.

Dzisiej po połedniu katowscy ôperacyjni chyciyli 41-letnigo chopa, co mōg ukraść figurkã Połednice, to znaczy jednã z figurek z tm. „szlaku gŏdki ślōnskij”. Porwanie trefiyło sie pod kōniec mŏja. Cołke zdarzynie zaregistrowały kamery mōnitoringu i podle zŏpisu wideo funkcjōnariusze mieli informacyje ô wyglōndzie sprŏwcy. Po zgrōmadzyniu ekstra informacyji ôd świadkōw, napoczły sie poszukowania sprŏwcy, kere wczorej miały swōj finoł na al. Rozdziyńskigo w Katowicach. Jak ôbsztalowali kryminalni, tam prawie mioł sie pokŏzać dōmniymany złodziyj. Na placu policyjōny trefiyli chopa, co wyglōndoł jak na rysopisie. Chop w czasie gŏdki z szndarami prziznoł sie do porwaniŏ figurki, a niyskorzij skŏzoł plac, w kerym jã skrōł. Skuli tego ôstoł zastawiōny i przewieziony do policyjnego heresztu. Niy wyklarowoł nijak, czymu ukrŏd Połednicã ani tyż co planowoł z niōm zrobić.

Zdrzōdło i fotografije: KMP Katowice

Dalszŏ tajla artykułu niżyj