Poetycki Ślōnski: Blog ze autorskimi wierszōma i tumaczyniōma wierszy ôd Eichendorffa

Ôd czyrwca 2024 roku Izabela Namyślik, ślōnskŏ dziołcha, dzieli se swojōm twōrczojściōm na blogu „Słodko gorzkŏ poezyjŏ”. Publikuje tam autōrske wierszy pisane po ślōnsku i tumaczynia wierszy Josepha von Eichendorffa na ślōnskŏ gŏdka.

Izabela wychowała se we ślōnsku i we ślōnskej gŏdce, a bez 10 lŏt miyszkała we Niemcach. We roku 2022 wrōcioła do familijnich strōn i ôd tygo czasu zaczōła se barzi interesować ślōnskōm geschitōm i gŏdkōm. Ta nowŏ pasja zusammen z jyj artystycznōm duszōm doprowadziōły do tygo iże zaczōła pisać wierszy we ślōnskij gŏdce.

Przi tworzyniu swojich wierszy trefiōła na twōrczojść Josepha von Eichendorffa. Motywy, ô ftorich pisze Eichendorff, also tynsknota za heimatem, prziroda, Pōnbōczek, wanderowanie sōm do niyj bardzo bliskie. To zainspirowało ja, keby tumaczyć jego wierszy na ślōnski i przibliżyć je ślōnskim czytelnikōm.
Izabela planuje wydać kiedyjś tomik swojich wierszy i tumaczyniōw Eichendorffa a narajzie zapraszŏ na swojygo bloga, kaj idzie se poczytać ôd niyj niyftory teksty.

Adres bloga znōjdziecie sam -> https://frelaizabela.blogspot.com/
Wejrzyjcie a ôdkryjcie jakŏ gryfnŏ moge być ślōnskŏ gŏdka we poezyji!

Dalszŏ tajla artykułu niżyj