Nowŏ ksiōnżka ôd Evy Tvrdej – po czesku i… ślōnsku!
Eva Tvrda napisała nowŏ ksiōnżka, kerŏ je nietypowŏ we jyj pisaniu, bo naszykowała jõ po czesku i… ślōnsku! Krzest ksiōnżki Očima vidět/Očami vidźeć bańdzie we wtorek, 26 listopada, we Czerwōnym kojściele w Hulczinie (Červeny kostel v Hlučíně) na ulicy Opavská 772/10. Ksiōnżka napisanŏ je we hulczyńskej ôdmianie ślōnskego (po našemu), kery je zapisany czeskim alfabetym.
Poczōntek krztu ô 17.30.
Ôkrōm trefu z autorkōm i możliwości nabyciŏ jejij ksiōnżki bańdzie szło tyż posuchać Hulczyńskego chōru (Hlučínský pěvecký sbor).
Ôd 3 grudnia do 16 marca Eva Tvrda planuje tyż 10 kolejnych trefōw, kaj bańdzie szło kupić ksiōnżka.
Dalszŏ tajla artykułu niżyj
Očima vidět/Očami vidźeć ukŏzały sie we wydŏwnictwie Littera Silesia.
To piyrszŏ prōba Evy Tvrdej ku ratowaniu już mało używnego ślōnskego ze Kraiku Hulczyńskego.
Po polskej strōnie Ślōnska ukŏzały sie do dzisiej dwie ksiōnżki autorki: “Dziedzictwo” i “Dyskretny urok Śląska“.
