Na gōrnoślōnskich szportplacach, 20.05.2018
We polskej ekstraklasie kōniec sezōnu ze happy-endem dlŏ gōrnoślōnskich manszaftōw: Gōrnik Zŏbrze w pucharach, a Piast Gliwice nie ślejcioł!
Gōrnik Zŏbrze wygroł z Wisłōm Krakōw 2-0 po torach ôd Szymona Matuszka (32 minuta) i Igora Angulo (87 minuta), co dało mu 4 plac i gra we eliminacyjach ôd europejskich pucharōw.
Jeszczy lepiyj liga skōńczōł Piast Gliwice, kery w szpilu ô przeżycie wygroł 4-0 z Niecieczōm i przeskoczōł jōm w tabuli. Dziynki tymu utrzimoł sie Piast, a śleciały popularne “elefanty” ze Niecieczy. Tory dlŏ Gliwic strzelyli: Mateusz Mak (23 minuta), Martin Bukata (35 minuta), Saša Živec (78 minuta) i Gerard Badia (90 minuta). Piast skōńczōł na 14 placu.
W czeskej piyrszej lidze derby Ślōnska ô utrzimanie skōńczōły sie remisym. We Karwinej ani gospodŏrze, ani Banik Ôstrawa nie poradziyli strzelić tora. Bōła to przedôstatniŏ kolejka i taki wynik bōł lepszy dlŏ Banika, kery je przed Krawinōm i ôstatni szpil bandzie grać u siã ze Zbrojovkōm Brno, kerŏ je ôstatniŏ, a niy mŏ szansōw na utrzimaniy. MFK Karwina jedzie do Jihlavy i yno wygranŏ może dać fusbalŏrzōm MFK utrzimaniy.
Dalszŏ tajla artykułu niżyj
Banik je 14, a MFK Krawina 15.
A co we drugich ligach?
We polskej (kerŏ zwōm dlŏ zmyłki I ligōm) mieli my 32 kolejka i podwōjne derby Gōrnego Ślōnska. Ôbudziōł sie Ruch Chorzōw…ale dziebko za nieskoro.
Ôdra Ôpole – Ruch Chorzōw 0-3
GKS Katowicy – GKS Tychy 1-2
Zŏgłymbie Sosnowiec – Podbeskidzie Biylsko-Biołŏ 2-0
GKS Katowicy je 5, GKS Tychy 7, Ôdra Ôpole 11, Biylsko-Biołŏ 12, Ruch Chorzōw 18.
We czeskej II lidze przedôstatniŏ kolejka:
Hradec Kralove – Slezsky Ôpawa 1-4
Dynamo Czeske Budziejowice – Fotbal Trziniec 0-0
MFK Fridek-Mistek – Usti nad Labou 1-2
Slezsky Ôpawa je 1 i awansowoł, Trziniec 5, a Fridek-Mistek 16 i ślejcioł.
