Na gōrnoślōnskich szportplacach, 10.05.2026

HCB Karwinŏ nie skorzystała z przewagi grania u siã i we ôstatnim szpilu przegrała 28-29 z Pilznym, skuli czego to handbalery ze Czech mogōm sie radować z majstra, a ślōnski manszaft musi latoś zadowolić sie strzebnym.

We fusbalu po radojści w Zŏbrzu nie wykorzystali szansy na skrōcyniy dystansu do piyrszego placu i ôstała już yno walka ô podium. We II lidze Ruch Chorzōw walczy ô barażowe place do walki ô I liga. We czeskej lidze corŏz gorszŏ sytuacyjŏ Banika Ôstrawa.

Fusbal

Liga polskŏ chopōw

Górnik Zŏbrze – Zagłębie Lubin 0-2
GKS Katowice – Piast Gliwice 0-0

Po 32. szpilach Górnik Zŏbrze je 4, GKS Katowice 5, a Piast Gliwice 11.

Liga polskŏ babōw
GKS Katowice – Stomilanki Ôlsztyn 5-0

GKS Katowice – Śląsk Wrocław 2-1
Stomilanki Ôlsztyn – Rekord Biylsko-Biołŏ 1-3
Po 20. szpilach GKS Katowice na 4. placu, a Rekord Biylsko-Biołŏ na 6.

Liga czeskŏ chopōw
Szpile ô place 7-10
MFK Karwinŏ – Pardubice 3-1 (po dogr.)

MFK Karwinŏ we szpilu ô plac 7 trefi na Sigma Olomouc.

Szpile ô utrzimaniy
FK Teplice – Banik Ôstrawa 2-1
Po drugim z piyńciu szpilōw Banik Ôstrawa je przedôstatni, co dŏwŏ prawo szpilōw barażowych ô utrzimaniy.

Liga czeskŏ babōw
Banik Ôstrawa – Viktoria Pilzno 1-1
Wew grupie ô utrzimaniy Banik Ôstrawa na 2 placu i mŏ zicher plac w I lidze na bezrok.

Handbal

Liga czeskŏ chopōw – Finał
HCB Karwinŏ – Talent Pilzno 28-29
Grane je do 3 wygranych szpilōw, sztand 3-2 dlŏ Pilzna.

Korbbal / Basketbal

Liga czeskŏ chopōw – Play-off, 1/4 finału
BK Ôpawa – Usti nad Labem 72-87 i 103-79

Grane je do 4 wygranych szpilōw, sztand 4-2 dlŏ BK Ôpawa.