Latowe kino na placu w Radlinie
Radlin zaprŏszŏ wszyjskich miyłośnikōw kina na seansy kina na placu w sierpniu na pl. Radlińskich Ôlimpijczykōw.
W trzi niydziele sierpnia na tym cyntralnym placu Radlina bydzie szło ôglōndać ôskarowego „Wilka z Wall Street” , synsacyjnõ kōmedyjõ z Ryanym Goslingym i Russelym Crowe’ym „Nice Guys” jak tyż francusko-belgijskõ kōmedyjõ “Czym chałpa bogatŏ” z Christianym Clavierym (znanym m.in. z “Asteriksa i Obeliksa”).
Daty projekcyji filmōw:
- Wilk z Wall Street – 12 sierpnia 2018 (niydziela) godz. 20.00
- Nice Guys – 19 sierpnia 2018 (niydziela) godz. 20.00
- Czym chałpa bogatŏ – 26 sierpnia (niydziela), godz. 20.00
Wilk z Wall Street to amerykański dramat biograficzny w reżyseryji Martina Scorsese. W głownych rolach m.in. Leonardo DiCaprio, Margot Robbie i Matthew McConaughey. Scynariusz filmu je ôparty było na spōmniyniach biznesmena Jordana Belforta wydanych pod tym samym tytułym. Film zdobōł m.in. 5 nōminacyji do Oscara, jak tyż statuetkã Złotego Globu dlŏ Leonarda DiCaprio.
Dalszŏ tajla artykułu niżyj
Nice Guys. Rōwni goście to amerykański kōmedyjodramat kryminalny w reżyseryji Shane’a Blacka. W rolach głownych wystōmpiyli: m.in. Russell Crowe, Ryan Gosling, Angourie Rice i Kim Basinger. Film bōł nōminowany m.in. do nadgrody Saturn.
Dlŏ miyłośnikōw kina europejskigo narychtowano było czŏrnõ kōmedyjõ produkcyje francuskij pod tytułym Czym chałpa bogatŏ (À bras ouverts) z 2017 roku. Film ôpowiadŏ historyjõ francuskigo pisŏrza-celebryty, co w czasie telewizyjnego programu niypozornie zaprŏszŏ pod swōj dach rōmskõ familijõ. Jak do jego idyalnego dōmu wkludzajōm sie nowi lokatorowie, cołki świat stŏwŏ na gowie.
Na seanse zaprŏszŏ Miasto Radlin jak tyż Fundacyjŏ Rozwoju Kinymatografije.
Foto: Valentine Svensson / Flickr