Katowice: 60. gyburstag GieKSy. Ślōnski cajtōng
Katowicko GieKSa mo sześćdziesiōnt lot Gyburstag po ślōnsku Kery ślōnski klub mo nojwiyncyj majstrōw, to idzie letko porachować. Nale kery ślōnski klub je nojbarzij ślōnski? Skuli swojigo sześćdziesiōntego gyburstagu kibice katowickij GieKSy chcōm udowodnić, że to ôni. Beztōż dzisiej na szpilu z Miedziōm Legnica, wele inkszych atrakcyji, takich choby pokaz laserōw i szpecjalne gyburstagowe treski, rozdowany bydzie magazyn “GieKSiorz”, narychtowany cōłki po ślōnsku.
Coby niy znodły sie w nim żodne felery pozōr dowoł ślōnski pisorz Marcin Melon, kery ôd bajtle idzie za GieKSōm.
– Kibice Ruchu rade myślōm, co majōm monopol na ślōnskość ale to niy je prowda – pado Mateusz, ze Ferajny Kibicōw SK1964, kery prziszoł ku tyj idyji.– Ślōnske klimaty zowdy były obecne na Bukowyj, myśla co echt Ślōnzokōw je u nos tela samo co na Cichyj. Pamiyntōm, co jeszcze za bajtla zowdy śpiywało sie “My, Hanysy z Gieksy, niy ma od nos lepszych, za Gōrny Ślōnsk, za GKS pōdymy aż po życia kres. W „GieKSiorzu” pōdzie poczytać ło cōłkij gyszichcie klubu, miyndzy inkszymi szpilach z Benficōm Lizbona i Girondins Bordeaux i ło legyndarnych fusbalorzach, jak choby Jasiu Furtok, nale tyż i hokejorzach i zapaśnikach. “GieKSiorz” rozdowany bydzie dzisiej na szpilu z Miedziōm Legnica.
Cołki cajtōng możecie tyż ôbejrzeć sam: GKS Katowice_gazetka_26-02-2024_www
Dalszŏ tajla artykułu niżyj
