Kamratki a kamraty: Chanelle Bednarczyk
U mie dōma, we wielgiyj izbie, kole buchōw, wiszōm krzipki, wioliny starzika Manka, kery godoł: Kiejby niy krzipki, to bych po szycie na dole ino groł szacha i szkata, szkat bez gorzołki, to lichy szkat, gorzołka bez cudzyj baby to tyż niy idzie, kiej zaś cudzo baba, to trzi nocki zabrane, a nocka zabrano, to bumelka, bez bumelka niy ma piyniyndzy, niy ma piyniyndzy, to niy ma szacha a szkata… Beztōż grōm na krzipkach. Możnoch i niy ma Paganini, aliści grōm ôde serca i ôde serca – do mojij i o….
Pochytoułech ô szachu, ô szkacie, ô gorzole… nale wto to bōł tyn Paganini.
Paganini to taki Wilimowski eli Cieślik ino co niy na szpilplacu a na krzipkach – majster nade majstrami! Do sie wadzić, wto bōł majstrym klawiyru, wto bōł majstrym orgli.
Majstrym krzipek bōł Paganini.
Dalszŏ tajla artykułu niżyj
Spytali sie Paganiniego, wto je echt na piyrszym placu na tych krzipkach. Paganini ponoć ôdpedzioł: Drugi je Lipiński.
Karola Lipińskiego (1790-1861) – Kaprys op. 29 nr 3 na krzypce solo usyszołżech we Filharmoniji Ślōnskiyj – festelny kōnsek muzyki, kunsztyk do palcōw niybylejakiygo krzipka.
Lipińskiego grała Chanelle Bednarczyk, co nauka napoczła we rybnickiyj PSM I i II st. im. K. i A. Szafranków, a potem we POSM I i II st. w Bielsku-Białej.
Kunszt doskonaliła u Wandy Wiłkomirskiej (ur. 11 stycznia 1929 w Warszawie, zm. 1 maja 2018 w Warszawie), Krzysztofa Jakowicza oraz u E. Durnova, R. Wilkie , S. Kravchenke, E. Baldiniego, W. Marschnera.
Obecnie studiuje w klasie prof. Edwarda Zienkowskiego na Uniwersytecie Muzyki i Sztuki we Wiedniu. Jest zwyciężczynią krajowych i międzynarodowych konkursów skrzypcowych, m.in. w: Czechach i Niemczech (2009), Włoszech (2011), Austrii (2012) i Hong Kongu (2014). Koncertowała z orkiestrami Filharmonii w: Berlinie, Rybniku, Zielonej Górze, Lublinie, Rzeszowie, Katowicach oraz z Orkiestrą Polskiego Radia w Warszawie, Orkiestrą Kameralną Zamku Britz w Berlinie. Z towarzyszeniem Wiedeńskiej Kameralnej Orkiestry Uniwerysteckiej koncertowała podczas tournée po Chile (2013). (Z archiwum Flharmonii Śląskiej).
Karol Lipiński bōł niy ino wirtuozem – we Lwowie bōł dyrechtorem muzycznym teatru, w kierym przōdzi robił Josef Elsner ize Grodkowa (Grottkau) co trefił i Bogusławskiego i Kurpińskiego, edukowoł Chopina.
Aleksander Lubina