Jastrzymbie: wypadek na Reja

Śledczy z jastrzymbskij kōmyndy klarujōm prziczyny i ôkoliczności wypadku drōgowego, do kerego doszło dzisiej na ul. Reja w Jastrzymbiu. Ze stympnych ôbsztalowań policyjōnōw ruchu drōgowego wynikŏ, iże szofer fiata trzasnōł w 33-latka, co wylŏz prosto pod auto. Poszkodowany z powŏżnymi ranami trefiōł do lazarytu.

Wypadek trefiōł sie wczorej, zarŏz przed godzinōm 06.00, na ulicy Reja w Jastrzymbiu. Ze stympnych ôbsztalowań policyjōnōw wydziału ruchu drōgowego jastrzymbskij kōmyndy wynikŏ, iże szofer fiata, 53-latowy chop, przi jechaniu w strōnã ulice Wōnglowyj, trzasnōł w 33-latka, kery wylŏz prosto pod wozidło. Poszkodowany chop z powŏżnymi ranami ôstoł przetransportowany do lazarytu. Przekludzōne bez policyjōnōw podszukowanie trzyźwości wykŏzało, iże i szofer, i piechciŏrz byli trzyźwi. Szyrzyj ôkoliczności wypadku ôstanōm wyklarowane w postympowaniu kludzōnym ôd jastrzymbskich śledczych.

Zdrzōdło: KMP Jastrzymbie