Wachtyrz.eu

Siyła informacyji

Kultura Ślōnskŏ Gŏdka 

Godniŏ kwestyjŏ

Piotr Zdanowicz 0 Kōmyntarzy

GODNIŎ KWESTYJŎ

W Gody chcã spokopić – cōż to je te przōnie
Możno zdrok ôd matki jasny, snŏżny, nowy
Co we swojij Julce do kna pokrziwiōnyj
Sztyjc widzi ôd Boga nojwiynkszy darōnek

Możno to sōm take dwie już zimne rynce
Imyntnie niyzgrabne, bezradne i prōżne
Światu bezpotrzebne, do ludzi przejzdrziste
A dyć nojpiykniyjsze bo ciyngym spleciōne

Możno to je starki szkamrane rzykanie
Co zajś cołke Gody w ôknie przeświyntuje
Bo już wychrōniōnŏ ze cōuny kōmfortu
Ale durch tyj cōuny rōżańcym wachuje

Dalszŏ tajla artykułu niżyj

Możno to je ôgyń we słowach i gestach
Kej ôn tuli w dłōniach jij liczka teschniōne
I chcōm wrŏz na dycko ôdpłynōńć ku niebu
Atoli już wiedzōm, że sky is the moment

Możno to je rajza bez wiyrchy i morza
Tam kaj modrŏ woda i słōnko czyrwone
Leśnŏ szado mrokew, kapelka drzewianŏ
Abo tamta moczka, co tak wōniŏ dōmym

Tela lŏt wandrujã z Bogym i bez Boga
Cesty bez wegwajzrōw i śniegym zasute
Tōż s betlyjki Bajtla pytōm… a Ôn padŏ:
Coby przŏć na isto – niy trza fest rozumieć

                                                                                                                Pyjter Zdanowicz

Wszyjske fotografije szafnōł Pyjter Zdanowicz, bez zima łōńskigo roku na prawym kraju rzyki Odry wele Starego Kojźlŏ (piyrwyj Alt Cosel). Ze ôpacznyj strōny rzyki widać erbowiznã dziedziny ô niyobyczjle ôsobliwym mianie Landsmiyrz (pol. Landzmierrz).

Dej pozōr tyż:  Propozycja wytycznych programowych nauczania języka śląskiego i kultury śląskiej

 

Społym budujymy nowo ślōnsko kultura. Je żeś z nami? Spōmōż Wachtyrza

Piotr Zdanowicz – Górnoślązak narodowości śląskiej urodzony w Raciborzu, mieszkający w Kędzierzynie-Koźlu, duchem – katowiczanin. Pasjonat i badacz historii, kultury i przyrody Górnego Śląska oraz popularyzator krajoznawstwa i turystyki pieszo-rowerowej. Dziennikarz, publicysta, muzyk, poeta, fotograf. Autor reportaży, książek i filmów o tematyce śląskiej. Pisze w języku śląskim, polskim i czeskim.

Śledź autora:

Ôstŏw ôdpowiydź

Twoja adresa email niy bydzie ôpublikowanŏ. Wymŏgane pola sōm ôznŏczōne *

Jakeście sam sōm, to mōmy małõ prośbã. Budujymy plac, co mŏ reszpekt do Ślōnska, naszyj mŏwy i naszyj kultury. Chcymy nim prōmować to niymaterialne bogajstwo nŏs i naszyj ziymie, ale to biere czas i siyły.

Mōgliby my zawrzić artykuły i dŏwać płatny dostymp, ale kultura powinna być darmowŏ do wszyjskich. Wierzymy w to, iże nasze wejzdrzynie może być tyż Waszym wejzdrzyniym i niy chcymy kŏzać Wōm za to płacić.

Ale mōgymy poprosić. Wachtyrz je za darmo, ale jak podobajōm Wōm sie nasze teksty, jak chcecie, żeby było ich wiyncyj i wiyncyj, to pōmyślcie ô finansowym spōmożyniu serwisu. Z Waszōm pōmocōm bydymy mōgli bez przikłŏd:

  • pisać wiyncyj tekstōw
  • ôbsztalować teksty u autorōw
  • rychtować relacyje ze zdarzyń w terynie
  • kupić profesjōnalny sprzynt do nagrowaniŏ wideo

Piyńć złotych, dziesiyńć abo piyńćdziesiōnt, to je jedno. Bydymy tak samo wdziynczni za spiyranie naszego serwisu. Nawet nojmyńszŏ kwota pōmoże, a dyć przekŏzanie jij to ino chwila. Dziynkujymy.

Spōmōż Wachtyrza