Godej, czytej a pisz: Test 12 – podsumowani
Prziszło na test 20 ôdpowiedzi, tōż piyknie dziynkujymy, a chytōmy sie pisanio podsumowanio.
Tu znojdziecie test.
1. W tabulce podane sōm polski bezokoliczniki a ślōnski czasowniki w trybie rozkazujōncym we 2 os. l.poj. Trza napisać (JA/NIY), kery czasownik je ôdmiyniōny dobrze, abo źle
a) jeść – jyc NIY
Dalszŏ tajla artykułu niżyj
jeść (pl) – jeś (si) – jydz
Ôdpowiedzi: 16 – JA ; 4 NIY
Uwagi. Fōnetycznie te „jyc” by mōgło być, ale przeca je : jodło, jedzyni, jadła. Tōż pisać trza „jydz”
b) mówić – godaj NIY
mówić (pl) – godać (si) – godej
Ôdpowiedzi: 1 JA; 19 NIY
Sam idzie pedzieć, co ta 1 ôdpowiydź JA, to je „feler statystyczny”, tōż je dobrze 🙂
c) prać – pierz NIY
prać (pl) – prać (si) – pier
Ôdpowiedzi: 1 JA; 19 NIY
Godo a pisze sie po ślōnsku: pier, piera, pierymy, piercie. Tōż 1 JA – niy ma źle.
d) stać – stōj JA
stać (pl) – stoć (si) – stōj
Ôdpowiedzi: 19 JA – 1 NIY
Jedna ôdpowiydź felerno.
e) biegać – leć NIY
biegać (pl) – lotać (pl) – lotej
biec (pl) – lecieć (si) – leć
Ôdpowiedzi: 19 JA; 1 NIY
Sam na ôpak: praje wszystki ôdpowiedzi były felerne. Lotać a lecieć, to sōm inksze czasowniki, tōż tryb rozkazujōncy tyż je inkszy: lotej a leć.
f) palić (papierosy) – kurz JA
palić (pl) – kurzić (si) – kurz
Ôdpowiedzi: 20 JA: 0 NIY
100 % zgodności. Brawo
g) siadać – siedź NIY
siadać (pl) – siodać (si) – siodej
siedzieć (pl) – siedzieć (si) – siedź
Ôdpowiedzi: 13 JA: 7 NIY
Skōnd sam te 13 felernych ôdpowiedzi? Pomylōne słowa „siodać”,ze „siedzieć”?
h) klęczeć – klynkej NIY
klęczeć (pl) – klynczeć (si) – klyncz
klękać (pl) – klynkać (si) – klynkej
uklęknąć (pl) – klynknyć (si) – klynknij
Ôdpowiedzi: 17 JA; 3 NIY
Słabo. Zaś pomylōne klynczeć (już od jakigoś czasu) i klynkać ( w w tej chwili)
i) śpiewać – śpiywej JA
śpiewać (pl) – śpiywać (si) – śpiywej
Ôdpowiedzi : 20 JA; 0 NIY
100 % dobrze.
j) przebierać (spodnie) -przeblekej NIY
przebierać (pl) – przeblykać (si) – przeblykej
Ôdpowiedzi: 7 JA; 13 NIY
Sam możno niy wszyscy dali pozōr na literka (przeblekej – przeblykej) . Ważne, coby niy pisać ô przebiyraniu, bo lōntōw (ubrań) sie niy przebiyro. Przebiyrać idzie szrubki, abo kartofle (sortować)
k) gotować – worz JA
gotować (pl) – warzić (si) – worz
Ôdpowiedzi : 14 JA – 6 NIY
„Warzić”, bo „wor” (gorąc), tōż „rz”. Po „rz” mōmy y-i tōż „warzić”. We trybie rozkazujōncym jeszcze je a-o tōż „worz”
l) ważyć – waż NIY
ważyć (pl) – wożyć (si) – woż
Ôdpowiedzi: 6 JA ; 14 NIY
Sam sie rozchodzi ô woga, wożyni na wodze, tōż musi być „ż” na kōńcu.
ł) wozić -woź JA
wozić (pl) – wozić (si) – woź
Ôdpowiedzi: 11 JA ; 9 NIY
Sam sie rozchodzi ô wożyni na wōzku, abo autym, chocioż na wodze tyż je wożyni.
m) zapytać – spytej sie JA
zapytać (pl) – spytać sie (si) – spytej sie
Ôdpowiedzi: 20 JA; 0 NIY
Czy mogę o coś zapytać?
Moga sie ô coś spytać?
Trza pamiyntać ô tym „sie” (czasownik zwrotny), chocioż pytōmy sie kogoś, a niy siebie.
n) zamknąć (drzwi) – zawrzij JA
zamknąć (pl) – zawrzyć (si) – zawrzij
Ôdpowiedzi: 20 JA ; 0 NIY
100 % na JA
- Kere słowo sam je felerne po ślōnsku: ryć, żyć, szyć, myć, tyć, być, dyć, chyć ?
kopać szpadlem (pl) – ryć (si)
żyć (pl) – żyć (si)
szyć (pl) – szyć (si)
myć (pl) – myć (si)
tyć (pl) – hrubnyć (si)
być (pl) – być (si)
przecież (pl) – dyć (si)
chwyć/ złap/ przytrzymaj (pl) – chyć (si)
Felerne je słowo: tyć, bo to je po polsku
Ôdowiedzi: 13 tyć, 2 żyć, 2 dyć, 1 być, 1 chyć, 1 szyć
Wiynkszoć ôspowiedzi dobrych, ale pojedyńcze felerne.
- Napiszcie to po ślōnsku: Ani jest wstyd, że zapomniała odrobić zadanie.
Anie je gańba, że zapmniała napisać zadani
Ôdpowiedzi tak pōł na pōł: Ani, Ance (kōmu?) – Anie (kogo? je gańba. Sam sie głōwnie rozchodzi ô to, że po polsku je wstyd kōmuś – Ani, a po ślōnsku je gańba kogoś – Anie. Na inksze rzeczy my sie niy dziwali.
- Napiszcie to po polsku: Czamu tymu dziecku niy uwarzisz kamelkōw?
Dlaczego temu dziecku nie ugotujesz rumianku?
Ôdpowiedzi: 18 wiedziało co to sōm kamelki, 1 niy wiedzioł, a 1 sie pytoł, czy sie to mianuje „wielbłądki”. Ôgōlnie dobrze.
- Napiszcie to po ślōnsku: Zobaczyłem idącego drogą nauczyciela.
Zejrzoł żech rechtora iś drōgōm, abo zejrzoł żech rechtora, jak szoł drōgōm
Ôdpowiedzi: była sam coło „gama” ôdpowiedzi, ale wiynkszość sie mieściyła jako-tako we normie: widzioł żech iś, widzioł żech, jak szoł. Były rechtory, nauczyciele, drōgi cesty atd. Dwa razy było „idōncego”, co je feler po ślōnsku. Bez szosyjo, to tyż niy ma „drōgōm”, yno raczyj przez drogę na pasach.
- Napiszcie to po ślōnsku: Uważaj, żebyś sobie nie uciął palca.
Dej pozōr, aż se palca niy urzniesz
Sam bōł nasz feler, bo my kozali polski zdani napisać „po polsku” a dziepiyro potym my poprawiyli „po ślōnsku”, tōż niy bydymy rachować.
7. Wypiszcie z tekstu słowa z literōm”ō”, a zaznaczcie, kaj mo być ta litera. Jak niy mocie takij litery we klawiaturze, to postowcie “x” zamias niyj. np, “Ślxnsk” Oma majom w doma staro roma, a na romie we biksie majom oma dlo mie dycko jaki szklok, abo inkszy bombon.
Ōma majōm w dōma staro rōma, a na rōmie we biksie majōm ōma dlō mie dycko jaki szklok, abo inkszy bōmbōn
Ôdpowiedzi: wszystkigo wypisać sie niy do, ale doś dobrze poznaczne było. Niy wszystki „ō” dało sie ludziōm wychytać. W jednej ôdpowiedzi bōł felerny „szklōk”
8) Wypiszcie yno te słowa, co sōm dobre po ślōnsku: durch, biyr, piyr, wiync, dawej, ganc.
ciągle, stale, wciąż (pl) – durch (si)
piwo (pl) – biyr (si)
całkiem, zupełnie, całkowicie (pl) – ganc (si)
Dobre sōm: durch, biyr ganc
Felerne sōm: piyr, wiync, dawej
pierz (pl) – pier (si)
więc (pl) – tōż (si)
dawaj (pl) – dowej (si)
Na kōniec: Jedni piszōm, że test za dłōgi, inkszym sie podobo, jeszcze inksi, że niy ma placu, coby napisać, czamu tak zaznaczyli, a ci ôstatni narzykajōm, że zapōmniōm do tego czasu, co zaznaczali. Tōż jako sam wszystkim dogodzić? Bydymy prōbować robić testy co roz, to lepsze, a co nōm z tego wyńdzie, to sie dziepiyro pokoże.
Cołki czas zaproszōmy do zaglōndanio na www.dykcjonorz.eu. Tam idzie znojś praje wszystki te słowa a jejich ôdmiana
