Dominika Jarczok na mistrzostwach we Finlandyji

II mistrzostwa świata rzezaniŏ w lodzie trwały ôd 4 do 10 lutego w Leppävirta (Finlandyjŏ). Swōj kōnszt pokazowało dwanŏście drużyn, miyndzy nimi Kee Gawah (Szwecyjo) i Dominika Jarczok ze Pszczyny, jedynŏ zawodniczka ze Ślōnska (i z Polski).

Wyniki:

I: Mongolijŏ:
Lakhagvador Dorjusen a Battur Enkhtur
II: Japōnijŏ:
Yoshihito Kosaka a Hideyuki Sone
III: USA/Szwajcaryjŏ
Roger Wing a Martin De Zoete

Zawody majōm plac we grocie 40 metrōw pod ziymiōm, kaj lodowe rzeźby sōm chrōniōne ôd wiatru i mogōm dugo strzimać skuli ôbstōnyj tymperatury -5℃. Dzieła wyrzezane na mistrzostwach idzie ôbŏczyć w Leppävirta aże do 26.06.2018. Łōńskigo roku aussztelōnek ôbŏczyło 15300 ludzi.

Zrōdło: jaalinna.fi, sttinfo.fi, Dominika Jarczok (Dark Elsa Art)