Józef Porwoł: Czymu sztartuja z Ślōnskij Partyji Regijōnalnyj?

Długo żech czekoł na tako partyjo. Inszo ôd tych ôgōlnopolskich, kere wiela ôbiecujōm nōm Ślōnzokōm przy welowaniu i na tych ôbietnicach wszyjsko sie kōńczy, partyje kere  chcōm yno coby Ślōnzok robiōł a podatki z jego roboty szły do cyntrali we Warszawie,

Sztartuja ze ŚPR, bo żech sōm z mojimi kamratkami i kamratami jōm tworzył, ze pomyślōnkiym ô mojim hajmacie, wolnym ôd wszelkich uprzedzyń w tym rasowych.

Ślōnsko Partyjo Regijōnalno dowo mi możliwość i szansa pełnyj realizacyji tego, co robia ôd ponad 15 rokōw. Ôdkōnd pamiyntōm mojim celym je zachowani kultury, sztuki, jynzyka ślōnskigo i prowdy historycznej, kero przekozali mi moji starziki i ôjcowie… a nade wszyjsko dobrobyt mojigo hajmatu dlo mojich dziecek i wnukōw.

Józef Porwoł

Dalszŏ tajla artykułu niżyj