Bytōm: synek porwoł produkty ze sklepu, a za pŏra dni prziszoł tam nazŏd

Szandarzi z bytōmskigo Stroszka zastawiyli 17-latka. Karlus porwoł jŏdło w sklepie przi ul. Wojciechowskigo wert bez 600 zł. Złodzieja chyciyli pracownicy ôchrōny i przekŏzali wachtyrzōm prawa. Miyszkaniec wojewōdztwa dolnoślōnskigo usłyszoł już ôbskarżynia. Terŏz ôdpowiy przed prokuratorym. Grozi mu do 5 lŏt heresztu.

Przedwczorej po połedniu wachtyrze prawa z kōmisariatu w Bytōmiu na Stroszku zastawiyli 17 lŏt modego karlusa. Chyciyli go pracownicy ôchrōny w sklepie przi ulicy Wojciechowskigo. Z ôbsztalowań śledczych wynikŏ, iże 17-latek pŏrã dni wcześnij ôkrŏd tyn sklep na bez 600 złotych. Jego łupym padło jŏdło jak tyż artykuły drogeryjne.

Wczorej karlus zaś prziszoł do tego sklepu. Pracownicy ôchrōny poznali w nim złodzieja sprzed pŏru dni i powiadōmiyli policyjōnōw. Miyszkaniec wojewōdztwa dolnoślōnskigo usłyszoł już ôbskarżynia. Terŏz ôdpowiy przed prokuratorym. Grozi mu do 5 lŏt heresztu.

Zdrzōdło: KMP Bytōm

Dalszŏ tajla artykułu niżyj