ME frelek U-19 na Gōrnym Ślōnsku
Na Gōrnym Ślōnsku ôd 27 czerwca do 7 lipca grany je Majsterszaft Europy we fusbalu frelek do lŏt 19. Wszystke szpile grane sōm we 4 miastach: Ôstrawie, Ôpawie, Karwinej i Fridku-Mistku.
Na ME je 8 manszaftōw podzielōnych na 2 grupy. Po 2 szpilach we grupie A prowadzi Hiszpanijŏ, przed Francyjōm, Italijōm i Czeskōm Republikōm. We grupie B piyrszŏ je Szwecyjŏ przed Anglijōm, Norwegijōm i Niymcōma.
We niedziela bydōm grane ôstatnie szpile we grupach:
Italijŏ – Czeskŏ Republika we Fridku-Mistku
Francyjŏ – Hiszpanijŏ we Ôstrawie (na Bazalach)
Norwegijŏ – Szwecyjŏ we Ôpawie
Niymcy – Anglijŏ we Karwinej
Dalszŏ tajla artykułu niżyj
Halbfinały majōm być grane 6 lipca we Ôpawie i Karwinej, a finał 9 lipca we Ôstarwie (we Witkowicach).
Na wiynkszość szpilōw idzie jeszczy kupić tikety.
