Tref jakich mało
Poczōntek lata pandymjo za nami tōż i ludziska mogōm robić se rozmańte trefy, ale tref, kieryn mioł miejsce we Jankowicach wele Rybnika na dugo ôstanie we pamiynci niy yno mieszkańcōw Gminy Świyrklany jak i inszych miejscowości ô mianie Jankowice s cołki Polski. Tydziyń przed tym ta sama miejscowoś ôbchodziła 800 leci istniynio wsi, 350 lecie kościoła i 50 lecie Gminy.
Po dugi przerwie pandymicznej ludziska spragniyni trefōw spotkali sie do kupy. 24 czyrwnia we Jankowicach na IX już Zjeździe Jankowiczan. Jako, że Gospodorzem IX Zjazdu Jankowiczan we miniōno sobota były Jankowice Rybnicki na Ślōnsku toż tukej trefili sie przedstawiciele i mieszkańcy z 8 sołectw Jankowic / bezmała je w Polsce jich 26/ s czego aż trzi były z województwa ślōnskigo I tak na IX Zjeździe Jankowiczan byli przedstawiciele poszczególnych Jankowic:
* Jankowice Pszczyna
*Jankowice gmina Babice
Dalszŏ tajla artykułu niżyj
*Jankowice gmina Oława
*Jankowice gmina Tarnowo Podgórne
*Jankowice Kuźnia Raciborska
*Jankowice gmina Chłopice
*Jankowice gmina Szydłowiec
*Jankowice gmina Świerklany
Cołki tyn tref rozpoczōn sie mszōm św. we kościele Bożego Ciała w Jankowicach skōnd we korowodzie na czele grubski ôrkiestry Jankowice ruszyli na Ośrodek Sportu i Rekreacji, żeby tam dali fajerować. Po przywitaniu bez p.sołtys Barbare Kula wszystkich przedstawicieli kierzi brali tu udział ze ks. Edwardym Mosiołym, pōmysłodawcōm piyrszego trefu była wymiana geszynkōw.
Po oficjalnym wstympie zaczyny sie wystympy i rozmańte zabawy. Kożde Jankowice chciało sie pokozać s jak najlepszej strōny bo pszeca kożde s nich mo insze śpiywki stroje i tradycje i inszy dorobek artystyczny i kulinarny toż wyszło i piyknie i smacznie i kolorowo .Gospodorze tyż mieli swojigo asa we rynkowie a boł nim miejscowy Zespoł “Karolinki” keryn wystōmpioł niy yno ze znanymi ślōnskimi pieśniczkami ale i s pieśniczkami do kierych słowa i melodio naszkryflali miejscowi tworcy .Po wystympach jankowickich zespołōw zgrōmadzōno publicznoś do kupy ze sobōm bawiła sie fest a fest ,tańcowali aż do samego do wieczora , bo trza Wōm wiedzieć ,że gwiazdōm tego wieczoru boł Zespoł “Golden Mix Fajer” kieryn porwoł do tańca wszystkich uczestnikōw Zjazdu toż ciynżko i żol było Jim ôdjyżdżać chocioż wiela s nich miało kawoł drogi przed sobōm. Dzisio kedy Jankowiczanie przeszli do codziynnej rzeczywistości trza zadać se pytani czy taki fajer jaki mioł miejsce we Jankowicach Rybnickich a w przeszłości w inszych łonczy czy dzieli ludzi ze rozmańtych strōn Polski i rozmańtych kultur . I tu ôdpowiydź nasuwo sie sama pszeca taki Zjazd Jankowiczan już je zaplanowany we inszym rejōnie naszego kraju.Trza jyno sie radować ale i dziynkować ôrganizatorōm takich fajerōw kierzi fest musieli sie nagimnastykować, żeby goście kierzi przijechali czuli sie jak usia dōma.
Foto: własne i ze strony https://www.facebook.com/profile.php?id=100072365063376, Sołtys i Rada Sołecka Jankowice