Stanisław Neblik: Cudo
2024.07.07
Cudo
Hut ôd starzika na głowie,
Kabot po ujcu Erichu,
Ze szranku wziynte po cichu,
Co żodyn sie niy dowiy.
Koszula wybiglowano,
Binder pod karkym mu wisi
I Kecka po ciotce Wisi,
Zicherkōm pospinano.
Dalszŏ tajla artykułu niżyj
Dwie żerdki na krziż zbite
Na nich te szaty piykne,
Tōż teraz już yno mi te
Cudo postawić styknie.
Kecka, hut a dwie żerdki.
Straszek na wrōble je fertich.
Stanisław Neblik – Fojerman
