Sōm my nazod! Stowarziszynie Ôsōb Ślōnskij Norodowości je zaś legalne

Po siedmiu latach ôd wniesiynio sprawy do Europejskigo Trybunału Prow Człowieka we Strasburgu usłyszeli my wyrok: Stowarziszynie Ôsōb Ślōnskij Norodowości niy łōmie prawa swojōm nazwōm, a polske państwo niy miało prawa ôdkozać rejestracyje.

Trybunoł stwiyrdziōł, że Polska złōmała artykuł 11 Europejskij Kōnwyncyje Prow Człowieka, co prawi ô wolności grōmadzynio sie i stowarziszanio. Zaznaczōł tyż, iże niy idzie prewyncyjnie ôdkazować rejestracyje stowarziszyń, a poczucie noleżności do myńszości niy może być widziane za „zagrożynie do dymokratycznego społeczyństwa”.

— Dziynkujymy wszyskim, co do Stowarziszynio sie zapisali i działali/spiyrali. Ale tyż tym, co kibicowali. Nowiniorzōm, co ôd poczōntku informowali ô sprawie.
I last but not least: dziynkujymy wszyskim wczaśniyjszym grupōm, co sprawa norodowości ślōnskij podnosiyły od 1996 roku — napisali Pejter Długosz i Wojciech Glensk na Facebooku.

— [Z]akōńczyła sie zaczynto ôd Ruchu Autōnōmije Ślōnska we 1996 roku batalijo o reszpektowanie wolności tworzynio stowarziszyń ôsōb, co deklarujōm ślōnsko norodowość. Moc lot roboty naszego strzodowiska prziniosło ôczekowany efekt. To wielko chwila dlo prziwiōnzanych do swojij tożsamości Ślōnzokōw — napisoł we ôświadczyniu RAŚ jego prezes, Jorg Gorzelik.

Dalszŏ tajla artykułu niżyj

Długosz i Glensk zapowiadajōm, że hned powiedzōm, jake bydōm dalsze kroki.