Silesia Rybnik drugŏ we finale Pucharu Europy
Miniōny tydziyń we Rybniku grali w basebala ô Puchar Europy. Trefiōło sie 5 manszaftōw z cołkej Europy: ôkrōm naszej Silesii Rybnik grali jeszczy Zürich Barracudas (Szwajcariŏ), Sundyberg Heats (Szwecjŏ), Kaunas County (Litwa) i Southampton Mustangs (Wielkŏ Brytanijŏ). Manszaft, kery wygroł finał mioł awans do Pucharu Konfederacyje.
Nojpiyrw wszystke manszaft grały ze sobōm. Rybnik napoczōn słabo, ale potym wygroł 3 szpile i mioł piyrszy plac po 4 szpilach.
Wyniki szpilōw:
12 czyrwnia
Zürich Barracudas – Sundyberg Heats 15:5
KS Silesia Rybnik – Kaunas County 8:13
13 czyrwnia
Southampton Mustangs – Sundyberg Heats 14:17
Kaunas County – Zürich Barracudas 0:6
14 czyrwnia
Sundyberg Heats – Kaunas County 2:14
KS Silesia Rybnik – Southampton Mustangs 14:7
15 czyrwnia
Southampton Mustangs – Zürich Barracudas 9:13
Sundyberg Heats – KS Silesia Rybnik 8:11
16 czyrwnia
Kaunas County – Southampton Mustangs 6:10
Zürich Barracudas – KS Silesia Rybnik 5:14
Dalszŏ tajla artykułu niżyj
| Plac | Manszaft | Szpile | Wygrane | Przegrane | % |
| 1 | KS Silesia Rybnik | 4 | 3 | 1 | 75 |
| 2 | Zürich Barracudas (SUI) | 4 | 3 | 1 | 75 |
| 3 | Kaunas County (LTU) | 4 | 2 | 2 | 50 |
| 4 | Sundbyberg (SWE) | 4 | 1 | 3 | 25 |
| 5 | Southampton Mustangs (GBR) | 4 | 1 | 3 | 25 |
We niedziela, 17 czyrwnia, bōł finał dwōch piyrszych manszaftōw. Bejsbalŏrze ze Rybnika nie szafli tego i przegrali ze Zürich Barracudas 1:15 i to Helwety radujōm sie ze awansu.
