Rybnik: Kōniec sezōnu miejskigo koła
Niy idzie już jeździć na miejskich kołach, kere do tej pory stoły we 38 placach we cołkim mieście, a terozki swożōm ich na zima do garażōw, a aplikacyjo była już tyż wygaszōno.
Na miejskich kołach szło latoś jeździć po Rybniku ôd 14 marca, ale miyndzy 1 kwiytniym a 5 mojym niy szło ich pożyczać skuli korōnawirusa.
– Ludzie radzi jeżdżōm na miejskich kołach. Naszykowany bōł zistym, kery skuplowoł cyntrum z kożdōm dzielnicōm miasta. Latoś pożyczanych było trocha mynij kołōw, jak inksze lata, co pożyczane były wiyncyj jak trzi tysiōnce razy. Było to skuli epidymije, a skuli tego, że ludzie wiyncyj siedzieli w dōma – pado Łukasz Karbowiński, rybnicki ôficer ôd kołōw.
Rachōnki pożyczanio kołōw sōm taki:
Dalszŏ tajla artykułu niżyj
- 1 190 pożyczanych kołōw
- 94 811 minut pożyczanio
- 79,67 – na tela minut strzednio pożyczōne było koło
- 1 552 765 – tela metrōw przejechały wszystki koła
- 1 304,84 – tela było strzednio metrōw na jedne pożyczani.
80 kołōw wyjedzie zaś na rybnicki drōgi na bezrok we marcu. Tōż – byle do (kołowej) wiosny…
Zdrzōdło: UM Rybnik, przekłod Stanisław Neblik