Prezident ČR na Ślōnsku

Miloš Zeman, prezident Republiki Czeskej, we dniach 24-26 wrzejśnia przebywŏ na bezuchu gospŏdarskim we Krŏju Ołomunieckim. Krŏj Ołomuniecki to we wiynkszości Morawy, ale jedyn powiat – Jeseniki – to historycznie Ślōnsk. Piyrszego dnia Miloš Zeman bōł we Ołomuńcu, kaj terfiōł sie ze hetmanym tego Krŏju, Jiřím Rozbořilem.

We wtorek bandzie w Przerowie i Szumperku, a ôstatniego dnia planowany je tyż bezuch prezidenta na ślōnskij tajli Krŏju Ołomunieckiego. Pojedzie do Mikulowic (blank blisko granicy ze Polskōm) a na nojwyższym wiyrchu Gōrnego Ślōnska, Pradziadzie, trefi sie ze hetmanōma Krŏju Ołomunieckygo i Krŏju Morawsko-Ślōnskygo. Tam bandōm gŏdać ô problymach tych ôbu krŏjōw, we kerych podzielōny sōm ślōnsky ziymie, co przinŏleżōm do Republiki Czeskej.

Foto tytułowe: Jakub Res [CC BY-SA 4.0], from Wikimedia Commons

Dalszŏ tajla artykułu niżyj